"First time mo, miss?"

"Opo."
"Ok talaga dito, mura kasi, Php200 lang, kaya nga dinadayo ng mga tao e."

Hindi ko inakalang sa Cubao ko matatagpuan ang tunay na kaligayahan. Pwede ngang masabing nasa Nirvana ako kahapon. Matatagpuan ang Nirvanang ito sa isang building sa Cubao, luma na ngunit punong-puno ng mga bagay na nakakapagbigay-aliw sa mga taong tulad ko. Sa ika-apat na palapag ng building na 'yon ay talaga namang nag-laway ako sa sobrang excitement at ligaya. Nagmistula silang mga 'pagkaing' nakaladlad sa hapag-kainan: may matataba, may payat, may mukhang bago, meron namang luma na sa katandaan. Meron ding may kamahalan, pero halos lahat--ang pinakamaganda sa lahat--ay mura.

Sa halagang Php 200 napawi na ang uhaw kong pagnanasa.
Di ako nakatiis, sampung beses kong pinawi ang uhaw na 'to.
Umalis ako ng building na 'yon na masayang-masaya't butas ang bulsa nang mahigit dalawang libong piso.

Ganon talaga siguro kapag kinakati ka....






Kapag may matindi kang pagnanasa....

drool, beybeh, drool...

....na maghanap at magbasa ng libro.

Kung tunay na ligaya ang hanap mo (ok, plugging na 'to), punta ka sa National Bookstore Cubao, 4th floor, Previously owned books section. Maniwala ka, ang daming libro, halos lahat BAGO pa.

Magpakasasa ka.

(Pasasalamat kay Tin, ang aking bugaw).